مولانا فضل الرحمٰن صاحب کا قباٸلی جرگہ سے خطاب 31 جولاٸی 2022

مولانا فضل الرحمٰن صاحب کا قباٸلی جرگہ سے خطاب اور میڈیا ٹاک 

31 جولائى 2022

نحمدہ ونصلی علی رسولہ الکریم اما بعد

قبائلی لوگ، وہاں کی سرزمین، وہاں کا تحفظ کرنا جانتے ہیں، لیکن مشکل یہ ہے کہ اُن سے اسلحہ چھین لیا گیا، اب وہ بے دست و پا کردیے گیے، اور وہاں کے لوگوں کا جو اپنا ایک لشکر ہوتا تھا جن کو یہ ” چلویشتے“ کہتے تھے وہ بھی ختم کردیا گیا، تو دوسری طرف جو بندوق بردار لوگ ہیں ، وہ مکمل آزاد ہیں جب چاہے علاقے میں آجاٸے، جہاں چاہے دعوی بول دے، جہاں آکر وہ انسانی جانوں کے ساتھ کھیل دے، تو اِس قسم کی جو ریاست کی طرف سے جو کمزوریاں ہیں اور جس کے نتیجے میں ایک بدنظمی وہاں پیدا ہوگٸی ہے، تو ظاہر ہے عام آدمی اُس سے پریشان ہے، میں تو سمجھتا ہوں کہ جو طاقتور ہیں وہ عقل سے عاری ہیں، اور جو عقلمند ہیں وہ طاقت سے عاری ہیں، اب اِس کا کیا حل ہے، اِس پر ہماری اتھارٹیز کو، ریاستی اداروں کو سوچنا ہوگا، اور پبلک کو اپنے ساتھ شریک کرکے اُن کی راٸے لینی ہوگی اور اُن کو تحفظ کا وہ سارا حق دینا ہوگا جو قبائلی لوگوں کا ہمیشہ رہا ہے۔

میرا تعلق چونکہ جنوبی اضلاع کے ساتھ ہے اور میں وہاں کے صورتحال کا براہ راست مشاہدہ کرتا ہوں، ڈیرہ اسماعیل خان، ٹانک، لکی مروت، کرک، وزیرستان، یہ سارے علاقے جو ہیں اب وہاں پر مسلح لوگوں کا راج ہے، مقامی انتظامیہ ہو، پولیس ہو، اپنے آپ کو بے بس محسوس کررہے ہیں۔

تو اِس حوالے سے بھی جو وہاں اتمانزٸی قبیلے کا دھرنا ہے، اُن کے بھی اپنے علاقے میں اپنے تحفظ کے حوالے سے، یعنی ایک ہے حقوق کا تحفظ، ایک ہے جان کا تحفظ، اُن کو اِس وقت جان کی تحفظ کی پڑی ہوٸی ہے، اُن کو جان کا تحفظ بھی چاہیے اور اُن کو حقوق کا تحفظ بھی چاہیے، اِس حوالے سے  ان شاء اللہ اِسی ہفتے کے اندر اندر میں بذات خود وزیراعظم سے ملاقات بھی کروں گا، اور اِس حوالے سے جو مجھے لوگوں کی طرف سے براہ راست رپورٹس مل رہی ہیں، اُس پر سنجیدگی کے ساتھ غور کرکے علاقے کو امن دینے کے لیے سوچا جاٸے گا، کہ اُس کے روٹس کیا ہے، روٹس کا تعین کرنا ہوگا۔

ہمارے جو قبائلی نوجوان ہے، جس نوجوان کو یہ اُمید دلاٸی گٸی کہ انضمام ہوگا اور آپ سیٹلڈ ایریا کے برابر کے لیول پر آجاٸیں گے، آپ کی تعلیم، آپ کا معیار زندگی، آپ مقابلے کے امتحان میں اُس کے برابر آجاٸیں گے، صورتحال تو اُس سے زیادہ خراب ہوگٸی ہے، اِس وقت ہمارا جو قبائلی نوجوان ہے وہ سب سے زیادہ  اپنے آنے والے مستقبل کے لیے مظطرب ہے، حالانکہ ہم تو اُس وقت چیخ رہے تھے کہ جو کچھ ہورہا ہے غلط ہورہا ہے، لیکن ہر طرف سے ایکا کرلیا گیا کہ یہ بہت ضروری ہے، یہاں پہ قبائلی جرگہ بیٹھا، اور تقریبا پانچ چھ سال تک یہاں قبائلی جرگے ہوتے رہے، اور وہ ایک مٶقف دیتا رہا لیکن کسی کی بھی ہمت نہ ہوٸی کہ وہ اُس جرگے کی بات بھی سنے، اسلام آباد میں کنونشنل سنٹر تمام سیاسی پارٹیاں وہ آٸی تھی، تمام مذہبی پارٹیاں، قوم پرست جماعتیں، ہر طرف سے لوگ اکھٹے کیے گیے، اور انہوں نے اُن سے ملاقات کی اور اپنا مٶقف دیا، بظاہر تو وہ ایک قرارداد بھی ان کے حق میں متفقہ طور پر طے کی گٸی، لیکن اُس کے باوجود پتہ نہیں ہمارے اسٹبلشمنٹ کے دماغ پر کیا سوار تھا، کیا بین الاقوامی دباو تھا، کونسی اُن کو ایسی کوٸی خوبصورت مستقبل نظر آرہا تھا، سو آج حقیقت یہ ہے کہ نہ وہاں پر انتظاميہ ہے، نہ وہاں پر پولیس ہے، نہ اُس کی کوٸی کارکردگی ہے، نہ کوٸی ترقیاتی کام ہے، اور اگر ترقياتی کام کے لیے پیسہ جاتا بھی ہے تو خاکم بدہن وہ بچے کا شکار ہو جاتا ہے۔

تو اُس حوالے سے آج یہ جرگہ جو ہوا ہے اُس میں اِس بات کو تسلیم کیا گیا ہے، گیس جو برامد ہوٸی ہے اُس پر پہلا حق وہاں کے عوام کا ہوگا، اور یہ حق اُن کا تسليم کیا جاتا ہے، اور  ان شاء اللہ اِس حوالے سے ہم یہاں سے سروے ٹیم بھی بھیج رہے ہیں، اُس سروے ٹیم کے اندر یہاں کے علاقے کے جو قبائلی زعماء ہے اُن کے بھی دو تین نمائندے ہوں گے تاکہ اُن کی موجودگی میں سروے کیا جاٸے، اُس کی پوری رپورٹ محکمے کو دی جاٸے، گورنمنٹ کو دی جاٸے، اور اُس کے بعد جو معاملات ہے اُس پر کام شروع کیا جاٸے۔

یہ کچھ گزارشات آج اِس میٹنگ کے حوالے سے تھی، میں نے آپ کے ساتھ شیٸر کی ہے، اگر کوٸی سوال ہو تو آپ پوچھ سکتے ہیں۔

🌺صحافی کا سوال پر قاٸد محترم کا جواب:🌺

دیکھیے یہ پاکستان کا ایک اوپن پولیٹیکل ایریا ہے، یہاں پر سب کچھ کہا جاتا ہے اور کہا جاسکتا ہے، کہنے دیا جاٸے سوشل میڈیا ہے کوٸی پابندی تو نہیں ہے، جہاں تک آپ کے سوال کا پہلا حصہ ہے کہ پی ڈی ایم کے اندر سے اس قسم کی باتیں آرہی ہے میرے خیال میں ہمیں اِس کو تھوڑا سا سمجھنا چاہیے، آپ جو سوال کررہے ہیں میرے خیال میں کل بھی کسی صحافی نے کیا تھا، دیکھیے میں نے کہا کہ جب سے حکومت بنی ہے یہ پی ڈی ایم کا پہلا اجلاس تھا، تو ظاہر ہے کہ حکومت میں آنے سے پہلے ایک راٸے تھی، سو ہماری راٸے بھی واضح تھی کہ پارليمنٹ کے اندر سے یا اسمبليوں کے اندر سے تبدیلياں نہ لاٸی جاٸے، تحریک کے ذریعے اپنا عوامی پریشر بڑھایا جاٸے، اسمبلی کے اندر سے اپنی قوت باہر لاکر اور نٸے انتخابات کے لیے دباؤ بڑھایا جاٸے، یہ ایک راٸے تھی، ہماری بھی راٸے تھی، اِسی راٸے کا ذکر جب چار مہینے کے بعد اجلاس ہوا تو اُس ابتداٸی راٸے کا تذکرہ میاں نواز شریف صاحب نے کردیا، تو کرنا کیا ہوا کہ آپ لوگوں نے حقیقت میں وہ بات اڑا دی کہ اوہ اِس میں تو اختلاف ہے، کوٸی اختلاف کی بات نہیں تھی، بات یہ ہے کہ جب آخری فیصلہ ہورہا تھا جو میں اناونس کررہا تھا، تو اُس آخری الفاظ کو طے کرنے میں بھی میاں نواز شریف صاحب زووم پر موجود تھے، اور اُن کی اتفاق راٸے سے وہ بیان تیار ہوا، اور اُس بیان کو ہم نے پبلک کے سامنے رکھا، اُس میں کیا تھا، اُس میں یہی تھا کہ حکومت ٹاٸم پورا کرے گی، الیکشن اپنے وقت پر ہوں گے، تو ایک چیز ایک دفعہ اتفاق سے طے ہو جاتی ہے، اب کسی کی ایک راٸے اگر ایک وقت ہے تو اُسے دوستوں کے لیے چھوڑ دیا، تو مشورے کی یہی برکت ہوتی ہے، آپ ایک دیانت دارانہ پیش کش دے رہے ہیں اور دوستو نے اُس سے اتفاق نہیں کیا، تو پھر جو اکثریت کی راٸے ہوتی ہے وہ قبول کی جاتی ہے، تو اِس قسم کے چیزوں کو اختلاف کا نام دینا، اِس قسم کے چیزوں کو یہ کہہ دینا کہ یہ تو ٹریپ ہوگٸے ہیں، یہ کہہ دینا کہ اُس کا بیانیہ تباہ ہوچکا تھا، اُس کے بیانیے کو زندہ کرنا، یہ جو کچھ ہماری حکومت میں ہورہا ہے یہ اُسی کے بیانیے کا نتیجہ ہے، کچھ تھوڑا اپنے عقلوں سے بھی کام لینا چاہیے، جس دلدل میں اُس نے ہمیں پھنسایا ہے اُس نکلنا آسان کام نہیں ہے، ایسے ایسے معاہدے کیے ہیں میں آپ کو پی ٹی آٸی کے لوگوں کی ذمہ دار لوگوں کی وہ انٹرویوز دکھا سکتا ہوں، وہ تقریریں دکھا سکتا ہوں کہ ہم نے تو ملک کو بیچ دیا ہے، ہم نے آٸی ایم ایف کو اپنا ملک گروی رکھ کے دیا ہے، ہم سے انگھوٹے لگالیے ہیں، یہ ساری باتیں اُن کی ہیں، اور اُن کے آخری دنوں کی ہے، اور میں یہ کہتا ہوں کہ یہ اُن کی باتیں ہیں، اور میں یہ کہتا ہوں کہ اگر اِس وقت اُن سے حکومت نہ لیجاتی تو آج آپ کا ملک ٹکڑے ٹکڑے ہو جاتا، اِس پر منصوبہ چل رہا تھا، معاشی لحاظ سے آپ کی معشیت کے لیے ہم ایک نٸی بنیادیں تلاش کررہے تھے، فیلرز تلاش کررہے تھے کہ ہمارے معشیت کے فیلرز کیا ہونے چاہیے، سو پرانے فیلرز تو امریکہ، ورلڈ بینک وغیرہ تھی لیکن آٸندہ مستقبل کے لیے ہم نے اِس کے لیے نٸے فیلرز تلاش کرنے ہیں یا نہیں، سو اُس کے لیے جو پہلا قدم ہمارا تھا وہ چاٸنہ کی انویسٹمنٹ اور یہ سی پیک، سی پیک سڑک کا نام نہیں ہے، سی پیک ایک پیکج ہے جس میں سڑک بھی ہے، جس میں ریلوے لاٸن بھی تھی، جس کے اندر پاور سیکٹر میں بڑھوتری، بجلی کی پیداوار میں اضافہ، پھر ظاہر کہ بجلی کی پیداوار میں اضافہ ہوگا اور یہاں صوبہ پشتون خواہ میں آپ کی جو ٹرانشمیشن لاٸن ہے، اُس میں صرف سترہ سو میگا واٹ بجلی اُٹھانے کی طاقت ہے، تو اگر آپ کو نٸے صنعتی علاقے قاٸم کرنے ہیں، اور اُس کے ساتھ جو اکنامکس حبز ہے وہ آپ نے بنانے ہیں تو اُس کے لیے آپ کو بجلی اور گیس بھی چاہیے ناں، تو گیس کا منصوبہ اُس کے ساتھ تھا، بجلی کا منصوبہ تھا بجلی کی کھپت کو سترہ ہزار تک لے جانا تھا، تو آپ کو ٹرانسمیشن لاٸن بھی تبدیل کرنی ہوگی، تو جو نٸے فیلرز ہم بنارہے تھے اُس فیلرز کو اِس حکومت نے گرادیا، اور وہ گوادر بندرگاہ جو ایشیا میں دوسرا سب سے گہرا ترین بندرگاہ تھا، جس سے ایران بھی ڈر رہا تھا، چابہار خطرے میں پڑگیا، دبٸی خطرے میں پڑگیا اور یہ تجارتی لحاظ سے سب سے کامیاب بندرگاہ ہوتا، تو اُس کا بیڑہ غرق کیا، کل جو ابراج گروپ کے حوالے سے خبر آٸی ہے کہ کتنا پیسہ دیا گیا اُس میں ابوظہبی کے بادشاہ نے بھی پیسے ڈالے ہیں، اِسی لیے ڈالا کہ یہ ہر حالت میں حکومت میں آٸے، سی پیک کو ڈبوٸے، اور آج وہ گہرا ترین سمندر صرف گیارہ فٹ رہ گیا ہے، اِس نے ملک کی معشیت کو تباہ و برباد کرکے رکھ دیا ہے، تو ملکیں یہی سے ٹوٹتی ہے، سویت یونین یہی سے ٹوٹ گیا تھا، یہ چیزیں ہیں جس کی نزاکت کو، جس کی حساسیت کو ہر آدمی کو سمجھنا چاہیے، انپڑھ لکھے کو سمجھنا چاہیے، کہ ہم نے کس چیلنج کو قبول کیا ہے، ہمیں دکھ ہے کہ ہمارے بینکوں میں جب ہم نے کھنگالا، آپ کو پتہ ہے کیا جھوٹ بولتے ہیں یہ لوگ، جس وقت جانے سے پہلے کہہ رہے تھے پچیس ارب ڈالر ہمارے ریزرو میں پڑا ہوا ہے، جونہی حکومت بدلی اور ہم نے پتہ لگایا تو آٹھ ارب تھا، اب آپ کے پاس جب ڈالر کے زخیرے کم ہو جاٸیں گے تو جو چیز کم ہوتی ہے اُس کی قیمت بڑھتی ہے، بازار میں بھی کوٸی چیز آپ خریدے اور وہ ناپید ہو جاٸے ٹماٹر، آلو، پیاز ہے ناپید ہوگیا تو اُس کی قیمتیں بڑھے گی، تو اب ڈالر کی قیمت پاکستان میں بڑھ گٸی، اِس چیز کو ہم نے کیسے کوور کرنا ہے، سارا فوکس اسی پہ ہے، اور میں آج کی اِس پریس بریفنگ سے آپ کو بتانا چاہتا ہوں کہ منگل اور بدھ کو فاٸنانس ہو، پٹرولیم ہو یا جتنے بھی وہ ادارے جس کا ملک کی معشیت سے تعلق ہے وہ پوری حکمران پارٹی کے جماعتوں کو بریفنگ دیں گے اور پھر اُس بریفنگ کو سامنے رکھتے ہوٸے معشیت کے استحکام کے لیے اگلا فیصلہ کریں گے، تو اِس کے لیے ہم اپیل کرتے ہیں کہ خواہ اُس کا تعلق اسٹبلشمنٹ سے ہو، بیوروکریسی کے ساتھ ہو، چاہے سرکاری ملازمین ہو، چاہے عام آدمی ہو، نوجوان ہے سب کو آج ملک کے لیے سوچنا چاہیے، ہم نے تو جناب ایک پارٹی کو دیکھا ہے لاکھوں اُس کے فیک آٸی ڈیز ہیں اور جھوٹی خبر وہ لگوا دیتے ہیں اور اُس کے پیچھے فیک لاٸکس ڈال دیتے ہیں، لوگ کہتے ہیں اوہ زبردست اتنے لاٸکس، اُس کا سوشل میڈیا جھوٹ، خود جھوٹ جھوٹ جھوٹ، تو ہٹلر کیا کہتا تھا کہ یا تو جھوٹ اتنا بڑا بولو کہ اتنا بڑا جھوٹ تو نہیں بولا جاسکتا، یا وہ جھوٹ اتنی تکرار کے ساتھ بولو کہ لوگ سمجھے یار یہ ایک بات بار بار کررہا ہے ظاہر ہے کچھ تو ہوگا، تو یہ وہی بین الاقوامی اُصول ہے جھوٹ کو دنیا سے منوانے کے لیے، اُس کا ٹھیک ٹاک سبق ہمارے پی ٹی آٸی والوں نے پڑھا ہے اور لوگوں کو پڑھا رہے ہیں۔

🌺صحافی کا سوال پر قاٸد محترم کا جواب:🌺

میری راٸے یہ ہے کہ ہم اِس وقت سال سَوا سال کے لیے بیٹھے ہوٸے ہیں، ہمیں طویل المدت منصوبوں کی بجاٸے قلیل المدت منصوبے سامنے رکھنے چاہیے جس سے عام آدمی کا روزمرہ کا معاملہ وابستہ ہوتا ہے، تو کچھ چیزیں ایسی ہے کہ ہمیں اگلی حکومت کا انتظار کرنا چاہیے اور پبلک کو یہ اعتماد کرنا چاہیے کہ جن لوگوں نے ہماری ملک کی معشیت کو ڈبویا ہے دوبارہ ہمیں اُس پر اعتماد کرنے کی ضرورت نہیں ہے، میں تو اپنے ملک کے اُن شہریوں اور جوانوں کے ساتھ ہمدردی کے ساتھ کہنا چاہتا ہوں اور بڑے شرح صدر کے ساتھ کہنا چاہتا ہوں کہ پی ٹی آٸی کو ووٹ دینا ملک کو تباہ کرنے میں حصہ دار بننا ہے اور اِس کا کوٸی دوسرا معنی نہیں ہوسکتا، تو کیوں نہ لوگ سمجھے، اور ظاہر ہے کہ ملک کو پٹڑی پہ ڈالنا، پھر اُس کو آگے ترقی کی طرف لے جانا، تو ہم بہت وقت ضائع کرچکے ہیں، تو اِس حوالے سے آنے والے مستقبل میں ایک اچھے انتخابی نتائج کا انتظار کرنا ہوگا۔

🌺صحافی کا سوال پر قاٸد محترم کا جواب:🌺

دیکھیے کوٸی تاثر قاٸم کرنا، کوٸی تبصرہ کرنا، کسی مجلس میں بیٹھ کے بات کرنا اِس پر تو کوٸی پابندی نہیں ہے، دیکھیے ایسی صورتحال نہیں ہے، تبصروں پر آزادی ہے لوگ ہر قسم کی باتیں کرتے ہیں۔

🌺صحافی کا سوال پر قاٸد محترم کا جواب:🌺

تو ظاہر ہے سپیکر نے جن کے استعفے منظور کرلیے ہیں، اُن کا ریفرنس الیکشن کمیشن آف پاکستان کو بھیج دیا ہے، اُنہوں نے اُن کو ڈی سیٹ کردیا ہے، تو وہاں ضمنی الیکشن ہوگا، اور ضمنی الیکشن کے حوالے سے حکمران اتحاد نے اُصںلی طور پر یہ فیصلہ کرلیا ہے کہ دو ہزار اٹھارہ کے الیکشن میں جو امیدوار جس پارٹی کا رنر اپ تھا یعنی دوسرے نمبر پہ تھا وہی ہمارا متفقہ امیدوار ہوگا، اِس پر بھی اتفاق ہو چکا ہے۔

مہربانی بہت بہت شکریہ 

ضبط تحریر: #سہیل_سہراب 

ممبر ٹیم جے یو آٸی سوات

#teamjuiswat